Справка
Нарадзіўся 11.04.1923, в. Лаўкі, Дубровенскі раён, Віцебская вобласць. Спецыяліст у галіне захоўвання і перапрацоўкі плодаагародніннай прадукцыі і бульбы. Кандыдат сельскагаспадарчых навук (1959). Удзельнік Вялікай Айчыннай вайны.
Адукацыя: Беларуская сельскагаспадарчая акадэмія (спецыяльнасць "Аграномія", 1950), Інстытут сацыялістычнай сельскай гаспадаркі АН БССР (аспірантура, 1953).
Навуковыя інтарэсы: прымяненне зернебабовых культур для ўзбагачэння бялковымі рэчывамі агароднінных кансерваў і канцэнтратаў; тэхналогія вытворчасці і пашырэнне асартыменту кансерваў дзіцячага харчавання; распрацоўка прагрэсіўных метадаў захавання сакавітай расліннай сыравіны з выкарыстаннем актыўнай вентыляцыі; уплыў прыродных умоў, аграбіялагічных фактараў на лёжкасць і якасць прадукцыі пры перапрацоўцы пладоў, агародніны і бульбы; паскоранае размнажэнне бульбы.
Месца працы, пасада: Ружанскі аддзел сельскай гаспадаркі Брэсцкай вобласці (1950, галоўны аграном); Беларускі навукова-даследчы інстытут харчовай прамысловасці (1953–1963, загадчык аддзела расліннай сыравіны); Беларускі навукова-даследчы інстытут бульбаводства і плодаагародніцтва (1964–1976, загадчык аддзела захавання, тэхналогіі і перапрацоўкі пладоў, агародніны і бульбы, адначасова ў 1969–1973 – намеснік дырэктара па навуцы).
Узнагароды: ордэны і медалі СССР.
Памёр 30.06.1976.
Варыянтная форма
| Saŭčanka, Uladzіmіr Fëdaravič (1923—1976) |
Гл. таксама
Крыніцы інфармацыі
Местные популяции красного клевера западных районов Белоруссии : автореферат диссертации ... кандидата сельскохозяйственных наук / В. Ф. Савченко. — Минск, 1959.
Савченко Владимир Федорович // Бульба белорусская : энциклопедия. — Минск, 2008. — С. 332.
Савченко Владимир Федорович // Летопись овощеводства в Беларуси. — Минск, 2010. — С. 134.
