На главную |
---|
Справка
Магілеўчык, Захар Кузьміч (доктар медыцынскіх навук ; гігіена ; 1895—1975) |
Нарадзіўся 02.03.1895 (18.02.1895 па ст. ст.), в. Галоўчын, Магілёўскі павет, Магілёўская губерня (сучас. аграгарадок, Бялыніцкі раён, Магілёўская вобласць). Урач-гігіеніст, спецыяліст у галіне камунальнай гігіены. Доктар медыцынскіх навук (1945), прафесар (1934). Член-карэспандэнт Акадэміі медыцынскіх навук СССР (1953). Удзельнік Першай сусветнай і Вялікай Айчыннай войнаў.
Адукацыя: Магілёўская фельчарская школа (1914), Маскоўскі ўніверсітэт (медыцынскі факультэт, 1923).
Навуковыя інтарэсы: гігіена, планіроўка і добраўпарадкаванне населеных месцаў як праблема калектыўных умоў жыцця і іх аздараўленне; даследаванні па гігіенічнай ацэнцы доследнага і стандартнага жыллёвага будаўніцтва; вывучэнне і ліквідацыя санітарных наступстваў вайны і акупацыі.
Месца працы, пасада: Магілёўская губерня (1914–1915 – фельчар земскіх устаноў); Магілёўскі губернскі аддзел аховы здароўя (1917–1919 – фельчар супрацьэпідэмічнага атрада); Санітарна-гігіенічны інстытут (Масква; 1923–1924 – урач-стажор); Горацкі павятовы аддзел аховы здароўя (1924–1925 – павятовы санітарны ўрач і намеснік загадчыка аддзела); Мінск (1925 – гарадскі санітарны ўрач); Народны камісарыят аховы здароўя БССР (1925–1931 – намеснік і загадчык санэпідаддзела); Мінскі дзяржаўны медыцынскі інстытут (1931–1941 і 1943–1971; 1931–1934 – дацэнт кафедры гігіены і в. а. загадчыка кафедры, адначасова 1932–1934 – дэкан санітарна-гігіенічнага факульэта, 1934–1941 і 1943–1971 – загадчык кафедры гігіены, у 1943–1953 – рэктар); Беларускі санітарна-гігіенічны інстытут (Мінск; 1931–1938 – загадчык аддзела жыллёва-камунальнай гігіены); Іжэўскі медыцынскі інстытут (1941–1943 – загадчык кафедры гігіены).
Узнагароды: званне "Заслужаны дзеяч навукі БССР" (1949), ордэн Працоўнага Чырвонага Сцяга (1944) і інш.
Памёр 06.01.1975, пахаваны на Поўночных могілках, Мінск.
Варыянтная форма
Magіleŭčyk, Zahar Kuz'mič (1895—1975) |
Гл. таксама
Беларускі дзяржаўны медыцынскі ўніверсітэт (Мінск). Рэктар |
Магілеўчыкі (дынастыя / сям'я) |
Могилевчик, Захар Кузьмич (доктор медицинских наук ; гигиена ; 1895—1975) (на іншай мове) |
Крыніцы інфармацыі
Падрабязней...
© Государственное учреждение "Национальная библиотека Беларуси", 2015-2024 © Поисковая система разработана Объединенным институтом проблем информатики НАН Беларуси |