СВОДНЫЙ ЭЛЕКТРОННЫЙ КАТАЛОГ БИБЛИОТЕК БЕЛАРУСИ	История поисков

Справка

    Вядома з 2-й палавіны 18 ст. у складзе Мінскага павета Мінскага ваяводства ВКЛ. З 1793 г. у Расійскай імперыі. У 1800 г. уласнасць К. Ліхадзіеўскага. У сярэдзіне 19 ст. належала памешчыку І. Бярновічу. У другой палавіне 19 с. – пачатку 20 ст. у складзе Койданаўскай воласці Мінскага павета Мінскай губерні. З 9 сакавіка 1918 г. у Беларускай Народнай Рэспубліцы, аднак фактычна знаходзілася пад кантролем германскай ваеннай адміністрацыі. С 1 студзеня 1919 г. у складзе БССР, а з 27 лютага 1919 г. у Літоўска-Беларускай ССР. Летам 1919 г. вёска была занята польскімі войскамі, пасля падпісання Рыжскага мірнага дагавора – у Беларускай ССР. З 20 жніўня 1924 г. у Навасадскім сельсавеце (цэнтр – в. Юцкі) Койданаўскага раёна Мінскай акругі, які з 23 сакавіка 1932 г. да 14 мая 1936 г. з'яўляўся польскім нацыянальным сельсаветам. З 29 чэрвеня 1932 г. Койданаўскі раён стаў Дзяржынскім. 31 ліпеня 1937 г. Дзяржынскі польскі нацыянальны раён быў скасаваны, тэрыторыя сельсавета перададзена Заслаўскаму раёну. З 20 лютага 1938 г. вёска ў Мінскай вобласці, з лютага 1939 г. у Дзяржынскім раёне. З 16 ліпеня 1954 г. у складзе Вертнікаўскага сельсавета, з 8 красавіка 1957 г. – у Дзямідавіцкім сельсавеце (перайменаваны Сталінскі сельсавет).
    Знаходзіцца ў Дзямідавіцкім сельсавеце Дзяржынскага раёна Мінскай вобласці.

        Гл. таксама

Новосады, деревня (Дзержинский район) (на іншай мове)

        Крыніцы iнфармацыі
    Гарады і вёскі Беларусі : энцыклапедыя. Т. 8. Мінская вобласць, кн. 2. — Мінск, 2011.
    Назвы населеных пунктаў Рэспублікі Беларусь : Мінская вобласць : нарматыўны даведнік. — Мінск, 2003.
    БД "Единый реестр административно-территориальных и территориальных единиц Республики Беларусь" Нацыянальнага кадастравага агенцтва. Дата звароту: 06.04.2022.